Omar al-Bashir uregwa ibyaha bya ruswa yagejejwe mu rukiko

0
- Advertisement -

Uwahoze ari umukuru w’igihugu cya Sudan Omar al-Bashir yagejejwe imbere y’ubutabera ngo yiregure ku byaha bya ruswa ashinjwa.

Bashir w’imyaka 75 yahiritswe ku butegetse mu kwezi kwa kane uyu mwaka, nyuma y’uko abaturage bari bamaze igihe bigaragambya basaba ko yava ku ntebe y’ubuyobozi yari amazeho imyaka igera kuri 30.

Ibindi byaha Bashir aregwa birimo kuba yarigwijeho umutungo w’igihugu mu gihe yari ari ku butegetsi kandi hakaba hari impano yakiraga mu buryo bunyuranye n’amategeko.

Mu kwezi kwa kane umuyobozi w’ingabo za Sudan General Abdel Fattah al-Burhan yavuze ko mu rugo rwa Bashir harengeye amafaranga arenga $113m (£93m).

Abahagarariye Bashir mu by’amategeko bavuga ko ibyaha aregwa bidafite ishingiro.

Mu kwezi kwa gatanu ubushinjacyaha bwahamije Bashir kuba yaragize uruhare mu kwica abigaragambyaga muri Sudan.

Mu kwezi kwa karindwi uyu muyobozi yari aherutse kugezwa mu rukiko urubanza rwe ruza gusubikwa bitewe n’impamvu z’umutekano.

Yafatiwe ibi bihano nyuma y’igenzura ryakozwe ku rupfu rw’umuganga wishwe muri kiriya gihe k’imyigaragambyo yashyize iherezo ku buyobozi bwa Bashir mu kwezi kwa kane.

Uwo muganga yari arimo avura abari bakomerekeye mu myigaragambyo mbere y’uko mu nzu hasukwa abashinzwe gucunga umutekano

Ni nyuma y’uko kuri iki cyumweru ingabo ziri ku butegetsi zemeye gusinya amasezerano agamije gusaranganya ubuyobozi n’abasivili.

Aya masezerano araganisha ku matora azashyiraho Leta nshya igizwe n’abasirikare ndetse n’abasivili.

UN ivuga ko Leta yari iyobowe na Bashir yaba yaragize uruhare mu ntambara zakunze kurangwa mu gace ka Darfur, zaguyemo abantu bari hagati 200,000 na 400,000 mu gihe abarenga miliyoni 2.7 bakuwe mu byabo.

The Guardian

LEAVE A REPLY

Please enter your comment!
Please enter your name here