Özil ashobora kuva muri Arsenal nk’intizanyo

0
- Advertisement -

Unai Emery utoza ikipe ya Arsenal yatangaje ko igambiriye kurekura umukinnyi wayo Mesut Özil akerekeza mu yindi kipe nk’intizanyo igihe isoko ry’igura n’igurisha ryo muri Mutarama rizaba ryongeye gufungurwa.

Uyu mutoza avuga ko iki cyemezo kizafatwa nyuma y’uko uyu mukinnyi atabashije kubona umwanya uhoraho mu ikipe ibanza mu kibuga, n’ubwo aza ku isonga mu bahembwa agatubutse muri iyi kipe.

Unai avuga ko uyu mukinnyi atigeze ashobora kwinjira mu buryo bw’imitoreze ye ibi bituma muri uyu mwaka w’imikino wa 2019/2010 Özil amaze gukina imikino ibiri mu gihe shampiyona igeze ku munsi wa karindwi.

Özil ni we mukinnyi uhembwa amafaranga menshi mu ikipe ya Arsenal aho buri cyumweru abona umushahara w’ibihumbi 350 by’amapawundi.

Mesut Özil yinjiye muri Arenal mu mpeshyi yo mu mwaka wa 2013 avuye muri Real Madrid.

Uyu mukinnyi w’imyaka 30 amasezerano afite  muri Arsenal asigaje imyaka ibiri ngo arangire, mu mwaka w’imikino wa 2018/2019, yagize uruhare runini mu bitego icyenda gusa iyi kipe yatsinze mu marushanwa yose.  

LEAVE A REPLY

Please enter your comment!
Please enter your name here