Uko umunsi wa kabiri wa shampiyona usize urutonde ruhagaze

0
Rayon Sports ejo yari yabashije kwisengerera AS Kigali iyitsinda 2-0
- Advertisement -

Nyuma y’imikino ibiri yabaye ejo ku wa kabiri tariki ya 8 Ukwakira 2019, hagati ya APR FC yatsindiye Bugesera FC  iwayo 1-0 na Rayon Sports yanyabitse AS Kigali 2-0, uyu munsi hari hategerejwe indi mikino yagomba gushimangira ikipe iyobora urutonde rwa shampiyona igeze ku munsi wa kabiri.

Kuri uyu wa gatatu Taliki ya 9 Ukwakira, ku bibuga bitandukanye hakinwaga imikino muri iyi shampiyona y’icyiciro cya mbere mu Rwanda, aho Gasogi United yari yakiriye Marines FC kuri stade ya Kgali i Nyamirambo,iza no kuyihatsindira 1-0.

Mu yindi mikino yabaye, SC Kiyovu nayo yatsinze Espoir FC 1-0, mu gihe Etincelles FC yatsinze Heroes FC 3-0, mu gihe Gicumbi FC yatsinzwe na As Muhanga 1-0, Musanze FC inganya na Police FC 0-0, mu gihe mu karere ka Nyagatare Sunrise FC na Mukura VS zanganyaga 0-0.

Nyuma y’iyo mikino yose y’umunsi wa kabiri yasozwaga kuri uyu wa Gatatu, ubu urutonde rwa Shampiyona ruyobowe naEtincelles itaratakaza inota na rimwe, mu gihe Heroes Fc iherekeza izindi n’ubusa bw’inota.

Uko urutonde rusange ruhagaze

  1. Etincelles (ifite amanota 06 n’ibitego 04 izigamye)  
  2. Rayon (amanota 04 ikazigama ibitego 02)       
  3. Police Fc (amanota 04 n’igitego 01 izigamye)  
  4. APR FC         (amanota ane ikaba izigamye igitego 01)          
  5. Muhanga (amanota ane ikaba izigamye igitego 01)
  6. Gasogi United (amanota ane ikaba izigamye igitego 01)
  7. Bugesera FC (amanota 03 izigamye igitego 01)
  8. Marines FC (amanota 03 izigamye igitego 01)
  9. Kiyovu (amanota 03 nta gitego izigamye)
  10. Mukura (amanota 02 nta gitego izigamye)
  11. Musanze (amanota 02 nta gitego izigamye)
  12. Sunrise (inota 01 n’umwenda w’igitego)
  13. Espoir Fc (inota 01 n’umwenda w’igitego)
  14. AS Kigali (inota 01 n’umwenda w’ibitego 02)
  15. Gicumbi (nta nota ifite, irimo umwenda w’ibitego 03)
  16. Heroes Fc (nta nota ifite, irimo umwenda w’ibitego 05)

Imikino y’umunsi wa gatatu izakinwa mu mpera z’iki cymweru ku itariki ya 11, 12 na 13 Ukwakira 2019.

LEAVE A REPLY

Please enter your comment!
Please enter your name here