Manchester United yongeye kuyobora urutonde rw’amakipe y’umupira w’amaguru ku isi

Ikipe ya Manchester United yo mu gihugu cy’u Bwongereza niyo iyoboye urutonde rw’amakipe akize ku isi mu mupira w’amaguru nkuko bitangazwa na Forbes Magazine.

Nubwo umwaka ushize wa shampiyona 2017/2018 Machester United nta gikombe na kimwe yigeze itwara, ntibyayibujije kuza imbere ya Real Madrid na Fc Barcelona, amwe mu makipe akomeye ku isi.

Uru rutonde rusohorwa buri mwaka na Forbes Magazine, rugaragaza ko Manchester United ifite agaciro ka miriyari 3.16 z’amapawundi.

Manchester city izwiho kugura abakinnyi bahenze ikaba yaranegukanye shampiyona y’Abongereza umwaka ushize wa 2017/2018, ibarizwa ku mwanya wa 30 n’agaciro ka miriyari 1.89 z’amapawundi.

Uru rutonde rw’amakipe 50 ahenze ku isi ruyobowe na Dallas Cowboys yo muri Leta zunze Ubumwe z’America ikina ruhago y’abanyamerika (American Footaball), igakurikirwa na Manchester United, Real Madrid, naho FC Barcelona ikaza ku mwanya wa kene.

Arsenal iza ku mwanya wa 39 n’agaciro ka miriyari 1.71, Chelsea ku mwanya wa 46, naho Bayern Munich iri ku mwanya wa 12.

- Advertisement -

LEAVE A REPLY

Please enter your comment!
Please enter your name here